K’aay ku xu’ulul. Efímero canto

Kin tukultik,
táan in ch’ichik máaskab
tu bak’el che’,
u che’ej ku xíimbal tu najil xook,
u k’abo’ob, in xiik’o’ob,
u tsaayalil kukuláankil,
tutus e’esajil utia’al u tu’usul k’iin.

Kin k’a’asik, táan u tsirin máaskab:
wáa ka’ béeylak in meentik yéetel in éek’ nook’
junp’éel nojoch pak’il naj utia’al in ta’akik
ti’ u jaats’ le eejoche’en cháako’obo’,
ba’ale’ chen ku béeytal in pulik k’uuxil
ti’ chúun che’ob ma’ táan u béeytal u ketkeno’ob.

Leti’e’ muumun k’abche’
ku nojochtal tin kelembal,
kin wa’alik u k’aaba’ yéetel kin taam kóol iik’
tuyo’sal le che’o’ob luubulo’obo’,
bin u k’ajolto’ob u meek’ le k’áak’o’,
bin u p’at na’an u nook’ le lu’umo’
yéetel u book ta’an táan u paa’tik
u k’áaxal ja’il maayóo utia’al paak’áal…