Efecto de tres alimentos comerciales en la ganancia de peso en corderos Dorper x Pelibuey

Inin tla’ikxitokalis okih tomachi’ tlen okpanok itech eyih monemakak tlakualli’, tlen kitlanah man moh tomahua’ ichkameh tlen nelihtokeh Dorper ihuan Pelibuey ipan eyih poalli’ tonalli’ itech seh tlayehyēkol ichka’ kolal. Tla’ikxitokalis omōchi’ itech kaltepeyo’ Narankastitlan, Puebla, Mexico, okintlanahuatihkeh mahtlaktli’ ihuan omeh ichka’ kokonē xehxelihtokeh itech eyih pa’yektlalilmeh, tlakualyetōkeh ikah tlayehyēkol tlanemakalis: Purina, Campi ihuan Malta Cleyton. Tlāchi’chihual yehyēkol omōchi’ melahka tlātlahko’ omōnantia’ ikan eyih ohtli’ omochi’ ipan seh pahyektlalil. Tlatlamanti’ tomachihualmeh noikih omōnankeh imētilla’ ichka´kokoneh, omomachioti’ ma’mahtlaktli’ tonalli’ ihuan ma’sehuil tlakualli’. Omōchi’ seh tla’ikxitokallis machixmachtli’ ANOVA pampa moh ixmatikskeh tlatlamanti’ etik tlankeh intlahko’ pahyektlalilmeh ihuan okichti’ o’ sihuameh ichkameh. Nohkia’, omōchi’ seh tla’ ikxitokaktominyo’ tlen okipo’ kechi’ tlakualli’, kēkechi’ ichka’kokoneh ihuan tlen itech kistok kualikayotl/ kēchiyotl. Kisayolmeh okixpanti’keh ken ahmo’ oyetok oktlamankayotl ixnestok itech etik tlanil intlahko’ pahyektlalilmeh. Ichka´kokoneh tlen okintlamakakeh ika’ Purina okīpixkeh intlahko’etīya’ tlamian 108.2 kg, man tlen okintlamaka’keh ika’ Campi ihuan Malta Cleyton oahsik kipixkeh 97.5 kg ihuan 95.9 kg, sehseme’keh. Tla’ikxitokayotl tominyo’ okixnexti’ man pahyektlalil ika’ Purina okipixki’ kexkichtlayakapan, oki’ixpanti’ okachi’ kualli’ itech kistok kualikayotl/ kēchiyotl (1.168), man Campi ihuan Malta Cleyton oyākeh achtotikeh okachi’ mach pātiokeh, nosoh ikah itechkistoskeh kualikayotl/kēchiyotl, yamanki’ kuetzitzin (1.130 ihuan 1.141, sehseme’keh). Ik moh tlamia´ tlen eyin nemakak tlakualmeh kualmeh pampa moh tomahuaskeh ichkameh, kih ka’tokeh seh kualli’ etik tlanal ihuan tominyo’. Man nosoh, ichkapixkik kih ihtas kexkich pohuas tlakualli’ kemah kexkich moh kuepas tomin.