Sobre el Tren Maya, El Tsikbal y La ‘Voz Comunitaria’. Un Rompecabezas Metodológico

Ichil u wíinalilo’ob mayo yéetel junio ti’ 2019e’, junmúuch’ xaak’alxooko’ob múuch’besa’an tumen aj-k’a’ansajo’ob, aj-yits’alilo’ob, u xoknáalibo’ob UQROO yéetel UMAS Bostone’ tu méentajo’ob jump’éel xaak’alxook ti’ ukp’éel mejen kaajo’ob tu péetlu’umil Quintana Roo yéetel Campeche, tu’ux ken máan le Noj Tsíimin K’áak’o’ (Tren Maya), yéetel u kúuchilo’ob jeelelil le kéen jo’op’ u meyajo’. Le xaak’alts’íiba’ ku ye’esik u xéet’emal u je’ets’elmel tuukul le xook máak’anta’abo’, beyxan jump’éel xaak’alil yo’olal le u ts’íib óolalil u muk’a’ankúunsa’al u “t’aan kaaj” uti’al u ts’áabal ichil le tse’ekt’aan yo’olal u yutsilo’ob yéetel u k’aasil ba’al táasik le Tsíimin K’áako’. Yaan xan u máanchi’k’ajal jump’éel xaak’alil yo’olal Tsikbal je’ex uláak’ jump’éel xéet’mal xook ku béeytal u táakbesa’al uti’al ka p’áata’ak le xaak’alxook tu beelilo’. Tu ts’ookole’, ku ts’áabal wa jayp’éel e’esajilo’ob tu’ux tu nu’ukbesláanta’al le bix u meyaj jo’olpóopilo’, lela’ leti’ FONATUR, tu yóok’lal le mejen kaajo’obo’ yéetel bix u péeksik u yóolo’ob.