Ser y convertirse en Tihosuco, Quintana Roo, México: ‘La conjura de Xinum’ como cha’anil

Te múuch’ ts’íiba’, kin xak’altik tu ka’antéen wa jayp’éel k’áatch’iob tin méentaj ichil jump’éel xaak’alxook ti’ in tesis doctoral tu kaajil Jo’otsúuk (Tihosuco), Quintana Roo, Mexico, tu ja’abil 2017. Le k’áatch’i’obo’ beeta’ab ti’ u aj balts’amo’ob u balts’amil “La conjura de Xinum” ku méenta’al ti’ julio ti’ tuláakal ja’ab tu kaajil Jo’otsúuk, yo’olal u na’atk’ajal bix le aj balts’amo’ob tu síijso’ob u máaxilil le balts’amo’. Kin xak’altik yéetel jump’éel kanáanil xook yo’olal bix le aj balts’amo’obo’ tu meyajto’ob recursos ti’ u t’aanil ichil u deixis le maayao’. Yo’olal úuch in ka’a xokik u núukil le k’áatch’iobo’, yéetel bejorae’ kin k’áajóoltik t’aanili’ob ka’achile’ ma’, kin kaxtik u na’ata’al le balts’amo’ yéetel u máak’anil je’ex jump’éel cha’anil. Le múuch’ ts’íiba’ junjaats ti’ jump’éel áanalte’ ku máak’anta’al yéetel ku julmeyajta’al bey jump’éel meta-método, ti’al ka na’atk’aja’ak performances, balts’am yéetel u jeel cha’anilo’ob kaaj tu Petenil Yucatán.